Property given to children ಮಕ್ಕಳಿಗೆ ಕೊಟ್ಟ ಆಸ್ತಿ – ವಾಪಸ್ ಪಡೆಯಲು ಪೋಷಕರಿಗೆ ಹಕ್ಕು ಇದೆಯಾ?
Property given to children ಇಂದಿನ ಸಮಾಜದಲ್ಲಿ ಪೋಷಕರು ತಮ್ಮ ಮಕ್ಕಳ ಭವಿಷ್ಯವನ್ನು ಭದ್ರವಾಗಿಡಲು ಸಾಕಷ್ಟು ಕಷ್ಟಪಟ್ಟು ಸಂಪಾದಿಸಿದ ಆಸ್ತಿಯನ್ನು ಮಕ್ಕಳ ಹೆಸರಿಗೆ ಕೊಡುತ್ತಾರೆ. ಕೆಲವು ಸಾರಿ ದಾನಪತ್ರ (Gift Deed) ಮೂಲಕ,
“ಹಣ ಇತ್ಯರ್ಥ” ಆಧಾರದಲ್ಲಿ ಆಸ್ತಿ ಹಸ್ತಾಂತರ ಮಾಡ್ತರ್ವೆ ಆದರೆ, ಮಕ್ಕಳಿಂದ ನಿರ್ಲಕ್ಷ್ಯ, ಕಿರುಕುಳ ಎದುರಿಸುತ್ತಿರುವ ಪೋಷಕರು ಆಸ್ತಿಯನ್ನು ಮತ್ತೆ ತಮ್ಮ ಹೆಸರಿಗೆ ವಾಪಸ್ ತಂದುಕೊಳ್ಳಲು ಸಾಧ್ಯವೇ ಅನ್ನೋದಕ್ಕೆ ಕಾನೂನು ಸ್ಪಷ್ಟ ಉತ್ತರ ನೀಡಿದೆ.
ಹಿರಿಯರು ಎದುರಿಸುತ್ತಿರುವ ಸಮಸ್ಯೆಗಳು
ಇತ್ತೀಚಿನ ಅಂಕಿಅಂಶಗಳ ಪ್ರಕಾರ, ನಮ್ಮ ದೇಶದ ಹಿರಿಯರಲ್ಲಿ ಸುಮಾರು 35% ಜನರು ತಮ್ಮ ಗಂಡು ಮಕ್ಕಳಿಂದ ಕಿರುಕುಳ ಅನುಭವಿಸುತ್ತಿದ್ದಾರೆ. ಇನ್ನೂ 21% ಜನರು ಸೊಸೆಯಂದಿರಿಂದ ಹಿಂಸೆ, ನಿರ್ಲಕ್ಷ್ಯ ಅನುಭವಿಸುತ್ತಿದ್ದಾರೆ. ದೈಹಿಕ ಹಾಗೂ ಮಾನಸಿಕ ಹಿಂಸೆ, ನಿರ್ಲಕ್ಷ್ಯ, ಆರೈಕೆ ಕೊರತೆ – ಇವು ಸಾಮಾನ್ಯವಾಗಿದೆ.
ಈ ಹಿನ್ನೆಲೆಯಲ್ಲಿ 2007ರಲ್ಲಿ “ಪೋಷಕರು ಮತ್ತು ಹಿರಿಯ ನಾಗರಿಕರ ಆರೈಕೆ ಮತ್ತು ಕಲ್ಯಾಣ ಕಾಯ್ದೆ” ಕೇಂದ್ರ ಸರ್ಕಾರದಿಂದ ಜಾರಿಗೆ ಬಂತು. ಇದರ ಉದ್ದೇಶ – ಹಿರಿಯರಿಗೆ ಸೂಕ್ತ ಆರೈಕೆ, ಭದ್ರತೆ ಮತ್ತು ಕಾನೂನು ರಕ್ಷಣೆ.
ಆಸ್ತಿ ಕೊಡುವ ವಿಧಾನ
ಪೋಷಕರು ತಮ್ಮ ಮಕ್ಕಳಿಗೆ ಆಸ್ತಿಯನ್ನು ಕೊಡೋದಕ್ಕೆ ಸಾಮಾನ್ಯವಾಗಿ ಎರಡು ಮಾರ್ಗಗಳನ್ನು ಬಳಸುತ್ತಾರೆ:
- Gift Deed (ದಾನ ಪತ್ರ): ಉಚಿತವಾಗಿ ಆಸ್ತಿ ಹಸ್ತಾಂತರ.
- Settlement Deed (ಹಣ ಇತ್ಯರ್ಥ): ಕಡಿಮೆ ನೋಂದಣಿ ಶುಲ್ಕ ಇರುವುದರಿಂದ ಬಹಳ ಜನರು ಈ ಮಾರ್ಗ ಬಳಸುವರೆ. ಇದರಲ್ಲಿ ಪೋಷಕರು ಸಾಮಾನ್ಯವಾಗಿ ಒಂದು ಷರತ್ತು ಸೇರಿಸುತ್ತಾರೆ – “ನಾವು ಬದುಕಿರುವವರೆಗೂ ನಮ್ಮ ಆರೈಕೆ ಮಾಡಬೇಕು” ಅನ್ನೋದು.
ಸಮಸ್ಯೆ ಎಲ್ಲಿ ಬರುತ್ತದೆ?
ಮಕ್ಕಳು ಪೋಷಕರನ್ನು ನೋಡಿಕೊಳ್ಳದೇ ಹಿಂಸೆ ಮಾಡೋದಾಗ, ಪೋಷಕರು ತೊಂದರೆ ಅನುಭವಿಸುವಾಗ, “ಒಮ್ಮೆ ಆಸ್ತಿ ಕೊಟ್ಟಿದ್ದೇವೆ, ಈಗ ಮತ್ತೆ ಹೇಗೆ ವಾಪಸ್ ಪಡೆಯೋದು?” ಅನ್ನೋ ಪ್ರಶ್ನೆ ಬರುತ್ತದೆ.
ನ್ಯಾಯಾಲಯದ ತೀರ್ಪು – ಪೋಷಕರ ಪರ
2025 ಮಾರ್ಚ್ ತಿಂಗಳಲ್ಲಿ ಮದ್ರಾಸ್ ಹೈಕೋರ್ಟ್ ಒಂದು ಪ್ರಮುಖ ತೀರ್ಪು ನೀಡಿದೆ.
👉 87 ವರ್ಷದ ನಾಗಲಕ್ಷ್ಮಿ ಎಂಬವರು ತಮ್ಮ ಮಗ ಕೇಶವನ್‌ಗೆ ಆಸ್ತಿಯನ್ನು ದಾನ ಮಾಡಿದ್ದರು. ಯಾವ ಷರತ್ತು ಕೂಡ ಹಾಕಿರಲಿಲ್ಲ.
👉 ಆದರೆ ಮಗ ಮರಣದ ನಂತರ, ಸೊಸೆ ಮಾಲಾ ಅವರು ತಾಯಿಯನ್ನು ಸರಿಯಾಗಿ ನೋಡಿಕೊಳ್ಳದೇ ಹಿಂಸೆ ಮಾಡತೊಡಗಿದರು.
👉 ನಾಗಲಕ್ಷ್ಮಿ ಅವರು ನ್ಯಾಯಾಲಯಕ್ಕೆ ಮೊರೆ ಹೋದರು.
ಹೈಕೋರ್ಟ್ ತೀರ್ಪಿನಲ್ಲಿ ಹೇಳಿದ್ದು – ಷರತ್ತುಗಳನ್ನು ಹಾಕದೆ ಇದ್ದರೂ ಕೂಡ, ಮಕ್ಕಳಿಂದ ಆರೈಕೆ ಇಲ್ಲದೆ ಹಿಂಸೆ ಆಗಿದ್ರೆ, ಆ ದಾನಪತ್ರವನ್ನು ರದ್ದು ಮಾಡಬಹುದು.
ಇದರ ಅರ್ಥ ಏನು?
- ಷರತ್ತು ಇದ್ದರೆ: ಪೋಷಕರು ಕಾನೂನು ಆಧಾರದಲ್ಲಿ ಸುಲಭವಾಗಿ ಆಸ್ತಿ ವಾಪಸ್ ಪಡೆಯಬಹುದು.
- ಷರತ್ತು ಇಲ್ಲದಿದ್ದರೂ: ಮಕ್ಕಳಿಂದ ಹಿಂಸೆ, ನಿರ್ಲಕ್ಷ್ಯ ಆಗಿದ್ರೆ, ಪೋಷಕರು ನ್ಯಾಯಾಲಯಕ್ಕೆ ಹೋಗಿ ಆಸ್ತಿ ವಾಪಸ್ ಪಡೆಯಬಹುದು.
- 2007ರ ಕಾಯ್ದೆ ಪ್ರಕಾರ: ಹಿರಿಯ ನಾಗರಿಕರ ಆರೈಕೆ ಮಾಡದೇ ಇದ್ದರೆ, ಅವರ ಹಕ್ಕು ಉಲ್ಲಂಘನೆ ಆಗುತ್ತದೆ.
ರದ್ದತಿ ಪ್ರಕ್ರಿಯೆ
- ಪೋಷಕರು “Revocation Deed” ಅಂದರೆ ರದ್ದು ಪತ್ರ ತಯಾರಿಸಬೇಕು.
- ಇದರಲ್ಲಿ “ಮಕ್ಕಳು ನೋಡಿಕೊಳ್ಳುತ್ತಿಲ್ಲ, ಆದ್ದರಿಂದ ನಾನು ದಾನವನ್ನು ರದ್ದು ಮಾಡುತ್ತಿದ್ದೇನೆ” ಅನ್ನೋ ಕಾರಣವನ್ನು ಸ್ಪಷ್ಟವಾಗಿ ಬರೆಯಬೇಕು.
- ಈ ಪತ್ರವನ್ನು Sub-Registrar Office ನಲ್ಲಿ ನೋಂದಣಿ ಮಾಡಿಸಬೇಕು.
- ನಂತರ, ಆಸ್ತಿ ಹಕ್ಕುಗಳು ಮತ್ತೆ ಪೋಷಕರ ಹೆಸರಿಗೆ ಬರುತ್ತವೆ.
ಪಾಠ ಏನು?
- ಪೋಷಕರು ಆಸ್ತಿ ಕೊಡೋಾಗ “ಆರೈಕೆ ಮಾಡಬೇಕು” ಅನ್ನೋ ಷರತ್ತು ಸೇರಿಸುವುದು ಸುರಕ್ಷಿತ.
- ಮಕ್ಕಳಿಂದ ಹಿಂಸೆ, ನಿರ್ಲಕ್ಷ್ಯ ಕಂಡಾಗ ಪೋಷಕರು ನಿಶ್ಚಿಂತೆಯಿಂದ ಕಾನೂನಿಗೆ ಮೊರೆ ಹೋಗಬಹುದು.
- ಕಾನೂನು ಸದಾ ಹಿರಿಯರ ಪರದಲ್ಲಿದೆ.
ಇಂದಿನ ದಿನಗಳಲ್ಲಿ ಹಲವಾರು ಪೋಷಕರು ಮಕ್ಕಳ ಮೇಲೆ ಅತಿಯಾದ ನಂಬಿಕೆ ಇಟ್ಟು, ಎಲ್ಲಾ ಆಸ್ತಿ ಅವರ ಹೆಸರಿಗೆ ಕೊಟ್ಟ ನಂತರ ನಿರ್ಲಕ್ಷ್ಯ ಅನುಭವಿಸುತ್ತಿದ್ದಾರೆ. ಆದರೆ, 2007ರ ಕಾಯ್ದೆ ಮತ್ತು ಹೈಕೋರ್ಟ್ ತೀರ್ಪುಗಳು ಪೋಷಕರಿಗೆ ದೊಡ್ಡ ಬೆಂಬಲ.
ಆದ್ದರಿಂದ –
ಮಕ್ಕಳಿಗೆ ಆಸ್ತಿ ಕೊಟ್ಟರೂ, ಪೋಷಕರು ಆರೈಕೆ ಇಲ್ಲದೆ ಇದ್ದರೆ ಆಸ್ತಿಯನ್ನು ಮತ್ತೆ ವಾಪಸ್ ಪಡೆಯಲು ಕಾನೂನಿನ ಹಕ್ಕು ಇದೆ.