Prime Minister’s Internship Scheme 2024-25 ಯುವಕರಿಗೆ ಪ್ರತಿ ತಿಂಗಳು ಸಿಗುವುದು 5000 ರೂಪಾಯಿ.!
Prime Minister’s Internship Scheme 2024-25 ದೇಶದ ಯುವಕರಿಗೆ ನೀಡಲಾಗಿರುವ ಮಹತ್ವದ ಅವಕಾಶ. ಈ ಯೋಜನೆಯನ್ನು ಭಾರತ ಸರ್ಕಾರವು ಕಾರ್ಪೊರೇಟ್ ವ್ಯವಹಾರಗಳ ಸಚಿವಾಲಯದ ಮೂಲಕ ಜಾರಿಗೊಳಿಸುತ್ತಿದೆ. ಇದರ ಉದ್ದೇಶ ಯುವಕರಿಗೆ ಪ್ರಾಯೋಗಿಕ ಅನುಭವ ನೀಡುವುದು, ಕೌಶಲ್ಯಾಭಿವೃದ್ಧಿ ಮಾಡಿಸುವುದು ಮತ್ತು ಭವಿಷ್ಯದ ಉದ್ಯೋಗಾವಕಾಶಗಳನ್ನು ಹೆಚ್ಚಿಸುವುದಾಗಿದೆ.
Prime Minister’s Internship Scheme 2024-25 ಇಂದಿನ ದಿನಗಳಲ್ಲಿ ಶಿಕ್ಷಣ ಪಡೆದವರಿಗೂ ಉದ್ಯೋಗ ದೊರಕುವುದು ಸುಲಭವಾದ ವಿಷಯವಲ್ಲ. ಹಲವು ಬಾರಿ ವಿದ್ಯಾರ್ಥಿಗಳು ಕೇವಲ ತಾತ್ವಿಕ ಜ್ಞಾನವನ್ನು ಹೊಂದಿರುತ್ತಾರೆ ಆದರೆ ಉದ್ಯಮಗಳಿಗೆ ಬೇಕಾದ ರೀತಿಯ ಕಾರ್ಯಪಟುತ್ವದ ಅನುಭವ ಇರುವುದಿಲ್ಲ. ಈ ಅಂತರವನ್ನು ನಿವಾರಿಸಲು ಪ್ರಧಾನ ಮಂತ್ರಿ ಇಂಟರ್ನ್‌ಶಿಪ್ ಯೋಜನೆ ಸಹಾಯವಾಗುತ್ತದೆ. ಇದರ ಮೂಲಕ ದೇಶದ ಪ್ರಮುಖ ಐದು ನೂರು ಕಂಪನಿಗಳಲ್ಲಿ ಯುವಕರಿಗೆ ತರಬೇತಿ ಪಡೆಯಲು ಅವಕಾಶ ಕಲ್ಪಿಸಲಾಗುತ್ತದೆ. ಈ ತರಬೇತಿ ಅವಧಿಯಲ್ಲಿ ಅವರಿಗೆ ಪ್ರಾಯೋಗಿಕ ಜ್ಞಾನ ಮಾತ್ರವಲ್ಲದೆ ಕೆಲಸದ ಸ್ಥಳದಲ್ಲಿ ಹೇಗೆ ನೈಪುಣ್ಯತೆ ತೋರಬೇಕು ಎಂಬುದನ್ನೂ ಕಲಿಸಲಾಗುತ್ತದೆ.
ಈ ಯೋಜನೆಯಲ್ಲಿ ಭಾಗವಹಿಸುವ ಪ್ರತಿಯೊಬ್ಬ ಇಂಟರ್ನ್‌ಗೂ ತಿಂಗಳಿಗೆ ಐದು ಸಾವಿರ ರೂಪಾಯಿ ಸ್ಟೈಪೆಂಡ್ ದೊರೆಯುತ್ತದೆ. ಇದರಲ್ಲಿ ನೇರವಾಗಿ ನಾಲ್ಕು ಸಾವಿರ ಐನೂರು ರೂಪಾಯಿಗಳನ್ನು ಸರ್ಕಾರದಿಂದ ಬ್ಯಾಂಕ್ ಖಾತೆಗೆ ವರ್ಗಾಯಿಸಲಾಗುತ್ತದೆ ಮತ್ತು ಐದು ನೂರು ರೂಪಾಯಿಗಳನ್ನು ಸಂಬಂಧಿತ ಕಂಪನಿಯೇ ನೀಡುತ್ತದೆ. ಜೊತೆಗೆ ಇಂಟರ್ನ್‌ಶಿಪ್‌ಗೆ ಸೇರಿದಾಗ ಒಮ್ಮೆ ಮಾತ್ರ ಆರು ಸಾವಿರ ರೂಪಾಯಿ ಸಹಾಯಧನವನ್ನೂ ಪಾವತಿಸಲಾಗುತ್ತದೆ. ಈ ರೀತಿಯ ನೆರವು ಯುವಕರಿಗೆ ಸ್ವಾವಲಂಬನೆಯ ಭಾವನೆ ನೀಡುವುದಲ್ಲದೆ ಅವರ ಆರ್ಥಿಕ ಭಾರವನ್ನು ಕಡಿಮೆ ಮಾಡುತ್ತದೆ.
ಈ ಯೋಜನೆಗೆ ಅರ್ಜಿ ಸಲ್ಲಿಸಲು ಅರ್ಹತೆ ಹೊಂದಿರುವವರು ಹತ್ತನೇ ತರಗತಿ ಅಥವಾ ಹನ್ನೆರಡನೇ ತರಗತಿಯನ್ನು ಪೂರ್ಣಗೊಳಿಸಿದವರು, ಐಟಿಐ, ಪಾಲಿಟೆಕ್ನಿಕ್ ಅಥವಾ ಡಿಪ್ಲೊಮಾ ಮಾಡಿರುವವರು ಹಾಗೂ ಹೊಸದಾಗಿ ಪದವಿ ಪಡೆದವರು. ಎಲ್ಲಾ ಕೋರ್ಸ್‌ಗಳು ಯುಜಿಸಿ ಅಥವಾ ಎಐಸಿಟಿಇ ಮಾನ್ಯತೆ ಪಡೆದ ಸಂಸ್ಥೆಗಳಿಂದ ಆಗಿರಬೇಕು. ಅರ್ಜಿ ಸಲ್ಲಿಸಲು ವಯಸ್ಸು ಹದಿನೆಂಟು ವರ್ಷದಿಂದ ಇಪ್ಪತ್ತ್ನಾಲ್ಕು ವರ್ಷದೊಳಗಿರಬೇಕು. ಆದರೆ ಅತಿಥಿ ವರ್ಗಗಳಿಗೆ ವಯೋಮಿತಿ ಸಡಿಲಿಕೆ ಲಭ್ಯವಿದೆ.
ಅರ್ಜಿ ಸಲ್ಲಿಸಲು ಅಧಿಕೃತ website, mca.gov.in ನಲ್ಲಿ ಲಭ್ಯವಿರುವ ನೋಂದಣಿ ವಿಭಾಗವನ್ನ ಬಳಸಬೇಕು. ಅಲ್ಲಿ ಅರ್ಜಿ farmನಲ್ಲಿ ಅಗತ್ಯ ವಿವರಗಳನ್ನು ತುಂಬಿ ಸಲ್ಲಿಸಬೇಕು. ಬಳಿಕ ಅಭ್ಯರ್ಥಿಗಳು ತಮ್ಮ ಸ್ಥಳ, ವಿಭಾಗ ಮತ್ತು ವಿದ್ಯಾರ್ಹತೆ ಆಧರಿಸಿ ಗರಿಷ್ಠ ಐದು ಇಂಟರ್ನ್‌ಶಿಪ್‌ಗಳಿಗೆ ಅರ್ಜಿ ಸಲ್ಲಿಸಲು ಅವಕಾಶ ಪಡೆಯುತ್ತಾರೆ. ಸಲ್ಲಿಸಿದ ಅರ್ಜಿಯನ್ನು ಭವಿಷ್ಯದ ಉಲ್ಲೇಖಕ್ಕಾಗಿ ಸೇವ್ ಮಾಡಿಕೊಳ್ಳಬಹುದು.
ಈ ಯೋಜನೆ ಯುವಕರಿಗೆ ಒಂದು ಉತ್ತಮ ವೇದಿಕೆಯಾಗಿದೆ. ಉದ್ಯೋಗ ಮಾರುಕಟ್ಟೆಯಲ್ಲಿ ಸ್ಪರ್ಧೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವ ಸಂದರ್ಭದಲ್ಲಿಯೇ ಈ ರೀತಿಯ ಕಾರ್ಯಕ್ರಮಗಳು ಯುವಕರಿಗೆ ಕೆಲಸದ ಜಗತ್ತಿಗೆ ಬೇಕಾದ ಕೌಶಲ್ಯಗಳನ್ನು ಕಲಿಸಲು ನೆರವಾಗುತ್ತವೆ. ಇಂಟರ್ನ್‌ಶಿಪ್ ಅನುಭವ ಹೊಂದಿರುವ ವಿದ್ಯಾರ್ಥಿಗಳನ್ನು ಕಂಪನಿಗಳು ಉದ್ಯೋಗಕ್ಕೆ ಆರಿಸುವ ಸಾಧ್ಯತೆ ಹೆಚ್ಚು.
ಆದ್ದರಿಂದ ಈ ಯೋಜನೆ ಕೇವಲ ಹಣಕಾಸಿನ ನೆರವಷ್ಟೇ ಅಲ್ಲದೆ ಭವಿಷ್ಯದ ಉದ್ಯೋಗ ಭದ್ರತೆಗೂ ಸಹ ಸಹಾಯಕವಾಗುತ್ತದೆ. ದೇಶದ ಲಕ್ಷಾಂತರ ಯುವಕರಿಗೆ ಇದೊಂದು ಬಂಗಾರದ ಅವಕಾಶ. ಸರ್ಕಾರವು ಘೋಷಿಸಿರುವ ಈ ಕಾರ್ಯಕ್ರಮವನ್ನು ಸರಿಯಾಗಿ ಬಳಸಿಕೊಂಡರೆ ಪ್ರತಿಯೊಬ್ಬ ಯುವಕನೂ ತಮ್ಮ ವೃತ್ತಿಜೀವನದಲ್ಲಿ ಮುನ್ನಡೆಯಲು ಸಾಧ್ಯ.