2040 ರಲ್ಲಿ 1 ಕೋಟಿ ರೂಪಾಯಿಯ ಮೌಲ್ಯ ಎಷ್ಟಿರುತ್ತೆ?
ಇವತ್ತಿನ ಕಾಲದಲ್ಲಿ ಎಷ್ಟು ದುಡಿದ್ರೂ ಬದುಕಿಗೆ ಸಾಕಾಗಲ್ಲ ಅನ್ನೋ ಪರಿಸ್ಥಿತಿ ಬಂದಿದೆ. ಹತ್ತು, ಇಪ್ಪತ್ತು ವರ್ಷ ಹಿಂದಿನ ಕಾಲ ನೆನಪಿಸ್ಕೋಳಿ – ಆಗ ಒಬ್ಬನ ಹತ್ತಿರ ಒಂದು ಲಕ್ಷ ರೂ ಇದ್ದರೆ “ಇವನು ಶ್ರೀಮಂತ” ಅಂದುಕೊಳ್ಳ್ತಿದ್ರು. ಆದರೆ ಇವತ್ತು ಒಂದು ಲಕ್ಷ ರೂ ನಗದು ಇದ್ದರೂ ದೊಡ್ಡದಾಗಿ ಏನೂ ಆಗೋದಿಲ್ಲ. ಕಾರಣವೇನು ಅಂದ್ರೆ – ಹಣದುಬ್ಬರ.
ಹಣದುಬ್ಬರ ಅಂದರೆ ಹಣದ ಮೌಲ್ಯ ದಿನೇ ದಿನೇ ಕಡಿಮೆಯಾಗೋದು. ಭಾರತದಲ್ಲಿ ಸರಾಸರಿ 5% ರಿಂದ 7% ವರೆಗೂ ವರ್ಷಕ್ಕೊಂದು ಹಣದುಬ್ಬರ ಇದೆ. ಈ ದರ ಹೀಗೇ ಮುಂದುವರಿದ್ರೆ 2040ರ ವೇಳೆಗೆ 1 ಕೋಟಿ ರೂ ಮೌಲ್ಯ ಎಷ್ಟಾಗುತ್ತೆ ಗೊತ್ತಾ? ಇಂದಿನ ಅಂದಾಜು ಪ್ರಕಾರ, ಅದು ಸುಮಾರು 40 ರಿಂದ 50 ಲಕ್ಷ ರೂ ಮಟ್ಟಕ್ಕೆ ಇಳಿಯಬಹುದು ಅಂತೆ.
ಒಂದು ಉದಾಹರಣೆಗೆ ಇವತ್ತಿನ ದಿನ ನೀವು 500 ರೂಗೆ ಸಿಗೋ ವಸ್ತು ಖರೀದಿಸ್ಬೇಕು ಅಂದ್ರೆ, ಮುಂದಿನ ವರ್ಷ ಅದೇ ವಸ್ತು ಖರೀದಿಸೋಕೆ 550-600 ರೂ ಬೇಕಾಗುತ್ತೆ. ಹೀಗೆ ಬೆಲೆ ಏರ್ತಾ ಹೋಗ್ತದೆ, ಆದರೆ ಕೈಯಲ್ಲಿರೋ ಹಣದ ಮೌಲ್ಯ ಕುಸಿಯುತ್ತಾ ಹೋಗ್ತದೆ. ಅದೇ ರೀತಿ 2040ರಲ್ಲಿ 1 ಕೋಟಿ ರೂ ಮೌಲ್ಯ ಕೂಡ ಇವತ್ತಿನಂತೆ ಭಾರೀ ಅನಿಸೋದಿಲ್ಲ.
ಇದಕ್ಕೆ ಜೊತೆಗೆ ಜೀವನ ವೆಚ್ಚ ಇನ್ನಷ್ಟು ಹೆಚ್ಚಾಗುತ್ತೆ. ಉದಾಹರಣೆಗೆ 2025ರಲ್ಲಿ ಒಂದು ಮಹಾನಗರದಲ್ಲಿ 2BHK ಮನೆಗೆ 80 ಲಕ್ಷ ರೂ ಕೊಡ್ಬೇಕು ಅಂದ್ರೆ, 2040ಕ್ಕೆ ಅದು 2 ಕೋಟಿ ಅಥವಾ 3 ಕೋಟಿ ತಲುಪಬಹುದು. ಅದೇ ರೀತಿ ಶಾಲೆ, ಕಾಲೇಜು ಫೀಸು, ಹಾಸ್ಪಿಟಲ್ ವೆಚ್ಚ ಎಲ್ಲವೂ ಎರಡು ಪಟ್ಟು, ಮೂರು ಪಟ್ಟು ಹೆಚ್ಚಾಗೋ ಸಾಧ್ಯತೆ ಇದೆ.
ಹೀಗಾದ್ರೆ ಏನು ಮಾಡ್ಬೇಕು? ಕೈಯಲ್ಲಿರುವ ಹಣ ಹಾಳಾಗ್ಬಾರದೆಂದರೆ ಸ್ಮಾರ್ಟ್ ಹೂಡಿಕೆ ಮಾಡ್ಬೇಕು. ಬ್ಯಾಂಕ್‌ನಲ್ಲಿ ಕೇವಲ ಸೇವಿಂಗ್ಸ್ ಅಕೌಂಟ್‌ನಲ್ಲಿ ಇಟ್ಟ್ರೆ ಅದಕ್ಕೆ ಬಡ್ಡಿ ಕಡಿಮೆ. ಆದರೆ ಹಣದುಬ್ಬರದ ವೇಗ ಹೆಚ್ಚು. ಹಾಗಾಗಿ ಷೇರು ಮಾರುಕಟ್ಟೆ, ಮ್ಯೂಚುವಲ್ ಫಂಡ್, ರಿಯಲ್ ಎಸ್ಟೇಟ್ ಇವುಗಳಲ್ಲಿ ದೀರ್ಘಾವಧಿ ಹೂಡಿಕೆ ಮಾಡಿದ್ರೆ ಮಾತ್ರ ಭವಿಷ್ಯದಲ್ಲಿ ಮೌಲ್ಯ ಕಾಪಾಡಿಕೊಳ್ಳೋಕೆ ಸಾಧ್ಯ.
ಇನ್ನು ಒಂದು ವಿಷಯ, ಆರ್ಥಿಕ ಯೋಜನೆ ಇಂದೇ ಶುರು ಮಾಡಿದ್ರೆ ಮಾತ್ರ 2040ಕ್ಕೆ ನೆಮ್ಮದಿಯ ಬದುಕು ಸಾಧ್ಯ. ಏಕೆಂದರೆ ಆಗ ಒಂದು ಕೋಟಿ ರೂ ಅಂದ್ರೆ ಇಂದಿನಂತೆ ಶ್ರೀಮಂತಿಕೆಯ ಸಂಕೇತ ಆಗಿರೋದಿಲ್ಲ. ಬದಲಿಗೆ ಕೇವಲ ಜೀವನ ಸಾಗಿಸೋಕೆ ಸಾಕಾಗಬಹುದಾದ ಮೊತ್ತ ಮಾತ್ರವಾಗಿರುತ್ತೆ.
ಅದಕ್ಕಾಗಿ ಇಂದಿನಿಂದಲೇ ಯೋಚಿಸಿ, ಹಣವನ್ನು ಹೇಗೆ ಹೂಡಿಕೆ ಮಾಡ್ಬೇಕು, ಎಲ್ಲಿ ಉಳಿಸ್ಬೇಕು ಅನ್ನೋದನ್ನ ಪ್ಲಾನ್ ಮಾಡಿದ್ರೆ ಭವಿಷ್ಯದಲ್ಲಿ ತಲೆನೋವು ಕಡಿಮೆ ಆಗುತ್ತೆ.
👉 ಸಾರಾಂಶ ಏನೆಂದರೆ: 2040ರಲ್ಲಿ ಒಂದು ಕೋಟಿ ರೂಪಾಯಿ ಮೌಲ್ಯ ಇಂದಿನ ಅಂದಾಜಿಗೆ ಅರ್ಧಕ್ಕಿಂತ ಕಡಿಮೆ. ಆದ್ದರಿಂದ ಆರ್ಥಿಕ ಭದ್ರತೆಗಾಗಿ ಬುದ್ಧಿವಂತ ಹೂಡಿಕೆ ಹಾಗೂ ಯೋಜನೆ ಮಾಡೋದು ಈಗಲೇ ಶುರು ಮಾಡ್ಬೇಕು.